რა დახმარება გამოუყო ზიმბაბომ საქართველოს? - ჰაკერებმა სოფლის მეურნეობის სამინისტროს საიტი გატეხეს

კრიმინალი - 17:19, 26 Jul, 2015

3342

ჰაკერებმა სოფლის მეურნეობის სამინისტროს ოფიციალური ვებგვერდი, ttp://www.moa.gov.ge გატეხეს.
შინაგან საქმეთა სამინისტროს ცნობით, სოფლის მეურნეობის სამინისტროს ოფიციალური საიტის გატეხვის ფაქტზე, გამოძიება 284-ე მუხლის პირველი ნაწილით დაიწყო, რაც კომპიუტერულ სისტემაში უნებართვო შეღწევას გულისხმობს.
დილით საიტზე შემდეგი შინაარსის ტექსტი იყო განთავსებული:
"2015.01.27 ამ დროს ზიმბაბომ საქართველოს დახმარების სახით გამოუყო (50 ალუმინის ტრაქტორი, 100 პლასტმასის კომბაინი, 50 ნამგალი, 90 ჩაქუჩი, ტონა ლურსმანი, 10 ტრაკტორის საჭე, 40 ნიკელის საბურავის დისკები, 11 ველოსიპედის პედალი, 50 არაბული სუფთა სისხლის ჯორები), და ეს ყველაფერი იყო იმისათვის რათა ეს მოხმარებოდა საქართველოს სოფლის მეორნეობას, ასავე გლეხობას.
საქართველოს სოფლის მეურნეობის სამინისტრომ ეს დახმარება მიიღო 2015.03.19 - წელს. მაგრამ აქედან არაფერი არ მოხმარებია გლეხობას. საქართველოს სოფლის მეურნეობის სამინისტრომ ეს ყველაფერი მიყიდა რუსეთს და
აქედან ისმება კითხვა სად წავიდა ზიმბაბოს მიერ გამოყოფილი დახმარება საქართველოსათვის?"

ამ დროისთვის სოფლის მეურნეობის სამინისტროს საიტი აღდგენილია.