თბილისში გიორგი ჩიტაიას სახელობის ეთნოგრაფიულ მუზეუში ფესტივალი „არტ-გენი 2015“ ნიაზ დიასამიძის და „33ა“-ს კონცერტით დაიხურება.

12:00 საათიდან ფესტივალის სტუმრებს საშუალება ექნებათ მუზეუმის ტერიტორიაზე ქართული რეწვის და ჭედურობის ნიმუშების გამოფენები დაათვალიერონ, ასევე დააგემოვნონ ქართული სამზარეულო.

18:00 საათიდან ეთნოგრაფიული მუზეუმი აჭარის რეგიონის და ლატვიურ ქორეოგრაფიული ანსამბლის "Saime"-ს გამოსვლას უმასპინძლებს.

ფესტივალი „არტ-გენი 2015“ 28 ივნისს იმერეთში, თერჯოლის რაიონის სოფელ სიმონეთში დავით კლდიაშვილის სახლმუზეუმის ეზოში გაიხსნა, და ხაშურის მუნიციპალიტეტის დაბა სურამში გაგრძელდა, შემდეგ კი თბილისში ეთნოგრაფიულ მუზეუმში გადმოინაცვლა

ფესტივალის დაარსებიდან მე-12 წელს ფესტივალის ორგანიზატორებმა მთავარ თემად „წიგნი და ბიბლიოთეკა“ აირჩიეს. „არტ-გენსა“ და საქართველოს პარლამენტის ეროვნულ ბიბლიოთეკას შორის მემორანდუმი გაფორმდა. მემორანდუმის ფარგლებში ეროვნულ ბიბლიოთეკაში ფოლკლორისკაბინეტი გაიხსნება რომელშიცგანთავსდება ფესტივალის მიერ მთელს საქართველოში თორმეტის წლის მანძილზე შეგროვილი და დაარქივებული უნიკალური ეთნოგრაფიული მასალები. „არტ-გენზე“ კი, ეთნოგრაფიულ მუზეუმში განთავსებულია წიგნის სკივრი სადაც შემოწირულ წიგნებსნებისმიერი მსურველი ეცნობა.