„პანორამა თბილისის“ მშენებლობა დღეს კიდევ ერთხელ გააპროტესტეს. აქციის ორგანიზატორი „პარტიზანული მოძრაობაა“. ისინი კოჯრის გზატკეცილზე შეიკრიბნენ.

აღნიშნული ლოკაცია აქციის ორგანიზატორებმა იმის გამო აირჩიეს, რომ სწორედ აღნიშნულ ადგილზე დაიწყო „პანორამა თბილისის“ მშენებლობა.

მათ კოჯრის გზატკეცილზე სხვადასხვა ნივთები მოიტანეს. აქციის მონაწილეებს აცვიათ მაისურები, წარწერით - „ამ ჩემს პანორამას“.

„აქ ხდება მთელი სიბოროტე. აქ ხდება კლდის ჭრა და ხდება თბილისის ისტორიული ნაწილის განადგურების დაწყება. დღევანდელი აქციის ხმაურიანია, რადგან ხალხს მივაწვდინოთ ხმა. იქნებ მოგვისმინონ“, - აცხადებენ აქციის მონაწილეები.