მდინარე ვერეს ხეობაში არსებულ გვირაბს ხიდი ჩაანაცვლებს. ამის შესახებ დედაქალაქის მერმა დავით ნარმანიამ ადგილზე მიმდინარე ინფრასტრუქტურული სამუშაოების დათვალიერების დროს განაცხადა.

"თბილისში არსებული ყველა მძიმე ტექნიკის მობილიზება ადგილზე აქ მოხდა. ეს არის ერთ-ერთი მძიმე მონაკვეთი, სადაც ყველაზე მეტად დაზიანდა გზა და გვირაბი გასკდა წყლის დიდი წნევის შედეგად. აქ უნდა გავაკეთოთ სახიდე გადასასვლელი ანუ აქ არსებულ გვირაბს ჩაანაცვლებს ხიდი, რომელიც მდინარე ვერეს მისცემს საშუალებას, იდინოს და წინაღობეებს არ შეუქმნის, რაც თავისმხრივ უსართხო იქნება მოქალაქეებისთვის," - აცხადებს თბილისის მერი, დავით ნარმანია.

ვერეს ხეობაში საგზაო ინფრასტრუქტურის სამუშაოები დღეიდან დაიწყო. ცნობილი ხდება, რომ საგზაო მონაკვეთის აღსადგენად მერიამ 14 მილიონი ლარი გამოყო.