პროდიუსერ კახა მამულაშვილის სასამართლო პროცესზე მისი ახლობლები არ გამოჩენილად. როგორც „სარკესთან“ საუბარში ნინი ქარსელაძე ამბობს, ეს „მამულიჩას“ სურვილი იყო.

„მამულიჩას და ლელას შვილის ნათლია ვარ. მათ ხელში გავიზარდე. „მამულიჩა“ ძალიან მიყვარს, მინდა გამძლეობა ვუსურვო. როგორც შემეძლება მის გვერდით ვიდგები. სამწუხაროდ ლელასთან დარეკვა ვერ შევძელი. ჩემი ოჯახიდან ერთ-ერთი წევრი ესაუბრა მას. ახლა ისეთი პერიოდი აქვს ბევრი ზარით უფრო შეწუხდება. სასამაღთლო პროცესი 20 ივლისს, პირველ საათზე, რომ იყო დანიშნული, გვიან გავიგე. თან ამბავი გამოიტანეს, რომ მას არ უნდოდა, ამ პროცესს ხალხი, მეგობრები დასწრებოდნენ. ამიტომ ჩემი იქ მისვლით დისკომფორტი არ შევუქმენი“, – ამბობს ნინი ქარსელაძე.