23 ივლისიდან, კინოთეატრებში, მაყურებელს „პიქსელები“ 3D-ს ნახვის შესაძლებლობა ექნება

კულტურა - 13:05, 22 Jul, 2015

1302

ბრძოლა ბოლო პიქსელამდე, მსოფლიო დიდი პრემიერის მოლოდინში 23 ივლისიდან, კინოთეატრებში, მაყურებელს „პიქსელები“ 3D-ს ნახვის შესაძლებლობა ექნება. სცენარის მიხედვით 80-იან წლებში ნასამ კოსმოსში სადგური გაუშვა, რომელშიც იმ დროისათვის კაცობრიობის ყველა ინოვაციური გამოგონება გაერთიანდა, მათ შორის კომპიუტერული თამაშებიც. უცხოპლანეტელებმა კი ამ ინფორმაციას არასწორი ინტერპრეტაცია გაუკეთეს და თამაში ომის მოდელად აღიქვეს.ახლა დედამიწას განადგურება ემუქრება და კაცობრიობის ბოლო იმედი ე.წ ყოფილი გეიმერები არიან, რომლებსაც ჩვენი პლანეტა ვირტუალურ სამყაროში არაერთხელ გადაურჩენიათ. ბრძოლა ბოლო პიქსელამდე გრძელდება. დედამიწის მხსნელების როლებს ადამ სენდლერი, პიტერ დინკლიჯი და კევინ ჯეიმსი ასრულებენ. ფილმის პროდიუსერებმა მაიკლ ბარნატანმა ერთ-ერთ ინტერვიუში აღნიშნა, რომ ფილმზე მუშაობისას შეძლეს საინტერესო სცენარის და კრის კოლამბუსის ნიჭის შერწყმა. ფილმის რეჟისორს კრის კოლამბუსს მართლაც საკმაოდ ცნობილი და სერიოზული ნამუშევრები აქვს ,როგორებიცაა: ჰარი პოტერი; მარტო სახლში და მისის დაუთფაიერი. ფილმის იდეა საკმაოდ საინტერესო და განსხვავებულია, რაც შეეხება სცენარს ის კარგი იუმორით არის გაჯერებული,რაშიც დიდი წვლილი მიუძღვის ადამ სენდლერსა და კევინ ჯეიმსს. ფილმი განსაკუთრებით საინტერესო იქნება, ცნობილი სერიალის „სამეფო კარის თამაშების“ გულშემატკივართათვის, რადგან ისინი დიდ ეკრანზე განსხვავებულ ამპლუაში იხილავენ პიტერ დინკლიჯს. როგორც უკვე აღვნიშნეთ, ფილმის ნახვა ქართველ მაყურებელს 23 ივლისიდან შეეძლება 3D ფორმატში.