ბუტა რობაქიძის საქმეზე ბრალდებულ გურამ დონაძის თქმით, ბუტა რობაქიძის მშობლები მათგან დაზარალებულები არ არიან.

ამის შესახებ დონაძემ საქალაქო სასამართლოში განაცხადა.

მისი თქმით, ია მეტრეველი და სოსო რობაქიძე ბაშალეიშვილის მიერ შემთხვევით გასროლილი ტყვიის მიერ არიან დაზარალებული.

"ჩვენ ბრალი არ გვედება არავის მკვლელობაში, ჩვენ ბრალი არ გვედება დადასტურებულად, რომ იარაღები მივიტანეთ და ჩავალაგეთ. ჩვენ ბრალი გვედება უფლებამოსილების გადამეტებაში. მეორე მხარე ჩვენგან არ არის დაზარალებული და ეს მხარე დაზარალებულია ბაშალეიშვილის შემთხვევითი გასროლილი ტყვიის შედეგად“, - განაცხადა გურამ დონაძემ.

შეგახსენებთ, ბუტა რობაქიძის საქმეზე სასამართლო სხდომა ხმაურის რეჟიმში მიმდინარეობდა. მოსამართლემ რამდენიმე პირი დარბაზიდან გააძევა.