"საბოლოოდ გაამართლა პიჯაკმა" - X ფაქტორის გამარჯვებულისა და მენტორის გამხელილი საიდუმო

საზოგადოება - 12:12, 21 Jul, 2015

5997

„X ფაქტორი 2015“ გიორგი ნაკაშიძე და გამარჯვებული მენტორი გიორგი გაბუნია კონკურსიდან რამდენიმე დეტალს იხსენებენ. მენტორმა მკითხველს „რიგით ჯარისკაცთან“ დაკავშირებით ერთი საიდუმლოც გაუმხილა.

გიორგი ნაკაშიძე: „ძალიან ვნერვიულობდი, მიუხედავად იმისა რომ ხალხის რჩეული უამრავჯერ გავხდი და ლიდერი ვიყავი ეს ნერვიულობა არ მშორდებოდა.“
ამ პროექტში ათეულის ტური და ნახევარფინალი იყო ძალიან მძიმე ჩემთვის. ფინალიც, ძალიან დიდი პასუხიმგებლობა იყო, თან სამი სიმღერა მქონდა შესასრულებელი, თუმცა ღირდა ეს ყოველივე ნერვიულობად.
სამომავლოდ არ ვაპირებ, რომ გავჩერდე და ველოდო რაღაცას. მინდა რომ ჩემი კონცერტები გავაკეთო ბათუმში, ქობულეთში, თბილისში. ჩემი სოლო კონცერტები მექნება ბენდთან ერთად.

გიორგი გაბუნია: „მეც არანაკლებად ვნერვიულობდი. გიორგის შეეძლო ეჩვენებინა რომ ნერვიულობდა, მე ამის უფლებას ვერ ვაძლევდი თავს, რადგან კონკურსანტები ეძებენ ვიღაცას, რომ დაეყრდნონ და ეს პირველ რიგში გახლავთ მენტორი.
რაც შეეხება გიორგის ნერვიულობას, რადგან კონკურსი უკვე დამთავრებულია, ერთი რამ უნდა ვთქვა, გიორგის ნერვიულობის ფონზე ეჭვის მომენტები ჰქონდა. გუშინაც ვიდერე კონცერტი დაიწყებოდა ეჭვები დაეწყო, ღირდა თუ არა ჰეი ჯუდის არჩევა, მერე მინუსებიც ჩამოთვალა, თუ რატომ არ უნდა ყოფილიყო ეს ჰეი ჯუდი. ერთადერთი პლუსი აქვს, რისთვისაც შეიძლება მოეწონოთ ჩემი ნომერიო, და არ გაინტერესებთ რა იყო ეს პლუსი? პიჯაკი მაცვია კარგიო. მერე იმ პიჯაკშიც ეჭვი შეიტანა - მგონი არ მიხდება და არ უნდა მეცვასო. საბოლოოდ გაამართლა პიჯაკმა.“

წყარო: http://rustavi2.com/