კრიმინალური ომი: ლაშა შუშანაშვილი შაქრო კალაშოვის წინააღმდეგ კოალიციას კრავს

კრიმინალი - 02:04, 21 Jul, 2015

21971

კრიმინალურ სამყაროში დიდი დაპირისპირება იწყება. ლაშა შუშანაშვილი ძველი მეგობრის, კალაშოვის წინააღმდეგ დიდ კოალიციას კრავს, კრიმინალური სამყარო ომის გამოცხადებას დღე დღეზე ელოდება... რუსული და ევროპული მედიის ცნობით კანონიერმა ქურდმა ლაშა შუშანაშვილმა, რომელიც ცნობილია ლაშა რუსტავსკის მეტსახელით, საბერძნეთში ჩამოაყალიბა ,,კანონიერი ქურდების" საკმაოდ მძლავრი კოალიცია, ისინი ე.წ #1 ქურდის შაქრო კალაშოვის იგივე ,,შაქრო მალადოი"-ს წინააღმდეგ გაერთიანდნენ, გაერთიანებას მოტივად დაედო ის, რომ კალაშოვმა დაარღვია ნეიტრალიტეტი და ამით დაკარგა ყველას მიერ აღიარებული, განსაკუთრებული უფლებამოსილების მიმნიჭებელი, არბიტრის სტატუსი. ეს არის ის მთავარი პრეტენზია, რომელსაც უყენებენ კალაშოვს, რის საფუძველზეც, მოახერხა რამოდენიმე დღის წინ განთავისუფლებულმა ლაშა შუშანაშვილმა სხვადასხვა ქვეყნებში მიმოფანტული, მოსკოვის დარტყმის ქვეშ მოხვედრილი ,,კანონიერი ქურდების,, გაერთიანება. შუშანაშვილი აქტიურად ემზადება მოსინჯოს ძალები ოპონენტთან ღია დაპირისპირებაში.

შეგახსენებთ, სწორედ კალაშოვის დაპატიმრების შემდეგ ლაშა შუშანაშვილმა დაიკავა კალაშოვის პოზიციები და განაგებდა ყველა მნიშვნელოვან საქმეს. კლანებს შორის დაპირისპირების საწყის ეტაპზე 2008 წელს დედ ჰასანის კლანში სწორედ შუშანაშვილი გახდა პირველი პირი.

იმის გავითვალისწინებით, რომ კალაშოვის წინააღმდეგ ბევრი კრიმინალური დაჯგუფება ირაზმება, სერიოზული ომის მოლოდინში უნდა ვიყოთ, შაქროს უპირისპირდებიან ნაწილი სლავი ,,კანონიერი ქურდების", მათ სხვა დაჯგუფებებისგან განსხვავებით აქვთ რუსეთში ყოფნის პრივილეგია, ქართველების თურქული დაჯგუფება, რომლებისთვისაც მიუღებელი აღმოჩნდა ფარფალიას მფარველობა კალაშოვის მხრიდან და ბერძნული კლანის წარმომადგენლები სებისკვერაძის და ბიგინაშვილის მეთაურობით, რომლებიც კალაშოვმა მწვავედ დაიპირისპირა, მათ შუერთდა აგრეთვე მზარელუა. შესაძლებელია, თუმცა ჯერ არ დასტურდება, რომ ამ დაჯგუფებებს დაემატოს გელა ქარდავა. თუ გავითვალისწინებთ იმასაც, რომ ბევრმა კრიმინალმა სწორედ ამ ,,კანონიერი ქურდებისგან" მიიღო ბოლო წლებში ხელდასმა ლაშა შუშანაშვილის ქვეშ გაერთიანებით საკმაოდ დიდ ძალას ეყრება საფუძველი, ალბათ კალაშოვს მარტივი გასეირნება, როგორც ამას ბევრი ელოდა ნამდვილად არ გამოუვა.