„ასე არ დავტოვებ, უნდა ვაზღვევინო“ - თემურ თათარაშვილი "მამულიჩას" საქმეზე

საზოგადოება - 17:30, 20 Jul, 2015

35357

მომღერალი თემურ თათარაშვილი ქართულ პრესაში გამოქვეყნებულმა ინფორმაციამ აღაშფოთა. გაზეთ „კვირის ქრონიკის“ ინფორმაციით ორი დღის წინ ნარკოდანაშაულის ბრალდებით დაკავებული კახა მამულაშვილი (მამულიჩა) თემურ თათარაშვილმა „ჩაუშვა“.

კომენტარისთვის ,,ნიუპოსტი" თემურ თათარაშვილს მოსკოვში დაუკავშირდა. „ეს ბრალდება და ცილისწამებაა“ - აცხადებს მომღერალი.

თემურ თათარაშვილი: „ამ მასალაში თარიღებიც კი არ არის ზუსტად მითითებული, თუ როდის ვიყავი მე დაჭერილი. 2008 წელს დამიჭირა ამ სტატიის ავტორმა, ამ დროს მე ვიყავი 2006 წელს დაჭერილი. მერე გიკვირთ ჟურნალისტებს, თუ რატომ არ გვიყვარს თქვენთან ურთიერთობა. ან მე საიდან უნდა მცოდნოდა "მამულიჩას" წასვლა-წამოსვლის ამბები? არანაირი კავშირი არა მაქვს "მამულიჩასთან" 2007 წლიდან, იმიტომ რომ ჩვენ სხვადასხვა პოლიტიკურ განზომილებაში ვიყავით და თქვენ კარგად იცით რომ ამან ძალიან ბევრი მეგობარი დააშორა ერთმანეთს. მოსკოვიდან როგორ უნდა გამეცა ბრძანება, რომ პროკურატურაში ჩაეტარებინათ სპეც-ოპერაცია მამულიჩაზე, რაში მჭირდებოდა საერთოდ ეს?!

-სტატიიდან გამომდინარე, "მამულიჩამ" ადრე დაგაბეზღათ და თქვენ სამაგიერო გადაუხადეთ...

-აი ზუსტად ესეც ასეთივე იდიოტი ჟურნალისტის დაწერილია. "მამულიჩამ" მე დამაბეზღა, მე დავაბეზღე "მამულიჩა", ეს სასაცილოა უბრალოდ და ამას ასე არ დავტოვებ, სტატიის ავტორს აუცილებლად ვუჩივლებ, ამ ყველაფერზე პასუხი უნდა ვაზღვევინო. რატომ არ არის მითითებული, ვინ ჰყავს პირველი ინფორმატორი, ვისგან მიიღო ინფორმაცია, ვინ არის წყარო? ეს ხომ უნდა დაწეროს? გამარკვიეთ რაშია საქმე?! ...