ამ წუთებში პატრულის თანამშრომლები არ აძლევენ იმ სატვირთოს გაჩერების საშუალებას, რომელიც დღეს დაგეგმილი stop russia აქციისთვის სასცენო მასალითაა დატვირთული. სატვირთო კანცელარიის მიმდებარე ტერიტორიიდან პატრულის თანამშრომლების მოთხოვნით გაიყვანეს. სატვირთოს გაყვანისას დააკავეს ტაბულას პროდიუსერი ლექსო მაჭავარიანი. პოლიციელები არ ხსნიდნენ, რის საფუძველზე ითხოვდნენ მანქანის გაყვანას. ტაბულას ჯგუფმა მანქანა ბოლოს გლდანის რაიონში შეამჩნია - სატვირთოს კაბინაში პოლიციის თანამშრომელი ზის ხოლო წინ პატრულის ერთი ეკიპაჟი მიჰყვება.

18 ივლისს კანცელარიასთან დაგეგმილი აქცია STOP RUSSIA-ს ორგანიზატორებს პოლიცია სცენის დადგმის საშუალებას დილიდან არ აძლევენ და ნებართვას სთხოვენ, რასაც საქართველოს კანონმდებლობა არ ითვალისწინებს. შინაგან საქმეთა სამინისტროს წარმომადგენლები ვერ ასახელებენ მოთხოვნის სამართლებრივ საფუძველს.

წყარო tabula.ge