"რისი იმედი მაქვს და ჯანდაბის" - ე.წ საზღვრისპირა მოსახლეობა მთავრობას უყურადღებობაში ადანაშაულებს

საზოგადოება - 14:29, 17 Jul, 2015

1203

საოკუპაციო ზოლის მიმდებარე ტერიტორიაზე მაცხოვრებელი ადამიანები ხელისუფლებას უყურადღებობაში ადანაშაულებენ და აცხადებენ, რომ ბოლო დროს განვითარებული მოვლენების მიუხედავად მათთან მთავრობის წარმომადგენლები არ მისულან. მიმდებარე სოფლის მაცხოვრებლების თქმით ოკუპანტები მათ მოსავლის ასაღებად საოკუპაციო ხაზის შიგნით არ უშვებენ.

„მე ყველა არჩევნების მონაწილე ვიყავი, რვავე სოფელში სათითაოდ მაქვს შეღებული კარები და ნათქვამი, ხალხო „ქართულ ოცნებას“ მიეცით ხმა, ესენი მოგვიტანენ რაღაცას, დიდი იმედები გვქონდა ძალიან გვეჯერა ამათი, მაგრამ სამწუხაროდ ვერ გვისრულებენ ამ იმედებს. მშივრები ვართ ხალხი რასაც ქვია, წყალი ჩვენ არა გვაქვს, გაზი ჩვენ არა გვაქვს, საბავშვო ბაღი ჩვენ არა გვაქვს.“- განაცხადა ერთ-ერთმა ადგილობრივმა მამაკაცმა.

„ომის ვეტერანი ვარ, ცალთვალა კაცი ვარ, რა წყალში გადავვარდე ოჯახი რითი შევინახო ... რისი იმედი მაქვს და ჯანდაბის, მთავრობა თუკი მოგვაქცევს ყურადრებას ხო მადლობელი ვიქნებით, მაგრამ ყურადღების მომქცევი არავინაა, აქ არავინ მოსულა მთავრობიდან“- აღნიშნა ადგილობრივმა მამაკაცმა ჟურნალისტებთან საუბრისას.