„ყურადღება !!! დაიწყო მსახიობების შერჩევა“ - ფილმში ზურა ყიფშიძესთან და ავთო მახარაძესთან ერთად

საზოგადოება - 11:02, 17 Jul, 2015

7026

„ყურადღება !!! დაიწყო მსახიობების შერჩევა“ - განცხადება ამ მიმართვით სოციალურ ქსელში გავრცელდა. სრულმეტრაჟიან მხატვრულ ფილმს, „ციცინათელები" რეჟისორი ლევან ანჯაფარიძე იღებს. როგორც „ნიუპოსტისთვის“ გახდა ცნობილი ფილმში რამდენიმე ცნობილ მსახიობს ვიხილავთ, მათ შორის ბევრი რეჟისორისთვის მოუხელთებელ ავთო მახარაძესაც. სნაიპერი გოგონას როლს კი ტელეწამყვანი ლელა ნინუა შეასრულებს. ამ და სხვა დეტალებზე ფილმის პროდიუსერი თამაზ ორაშვილი გვესაუბრა.

თამაზ ორაშვილი, პროდიუსერი: „ფილმი აფხაზეთის ომის თემას ეხება, აქ არის იმ მარგალიტების დანახვა, რაც ომს ახასიათებს. როცა მტრები ვაჟკაცობას არ კარგავენ და რაღაც მომენტში ერთმანეთის გვერდით დგანან. სცენარი რეალურ ისტორიაზეა დაწერილი. ბევრმა წაიკითხა და კონომცოდნეების მხრიდან ძალიან დადებითი რეცენზიები მოჰყვა. სცენარი, ლევან ანჯაფარიძეს, ლაშა იმედაშვილს და ზაურ კალანდიას ეკუთვნის.

- სოციალურ ქსელში გავრცელდა მიმართვა ქასთინგთან დაკავშირებით, თუმცა, როგორც ვიცით მთავარ როლზე გყავთ უკვე მსახიობები

-მთავარი როლები თითქმის დამტკიცებულია. თუმცა, არის ბევრი ძალიან საინტერესო და დასამახსოვრებელი როლიც. ამიტომაც გამოცხადდა ქასთინგი. ფილმსი იხილავთ ზურა ყიფშიძეს ზაზა კოლელიშვილს, დიმა ჯაიანს, ჯაპანას, თემურ გვალიას, ვახო ჩაჩანიძეს და ავთო მახარაძეს.
ასევე მოლაპარაკება მიმდინარეობს, ერთ რუს გოგონასთან და ძალიან ცნობილ ებრაელ მსახიობთან, რომელიც ჟურნალისტის როლს განასახიერებს.

-გადაღებას აფხაზეთშიც ხომ არ გეგმავთ?

-გადაღებები ძირითადად თბილისში გვექნება, ძალიან კარგი ლოკაცია გვაქვს შერჩეული. ასევე დასავლეთში, ძალიან მიახლოებულ აფხაზურ გარემოსთან და სააქართველოს ლამაზ კუთხეებში. რაც შეეხება აფხაზეთს, მიდის მოლაპარაკება. ვნახოთ რა გამოვა. შეიძლება მოხდეს ისე, რომ აფხაზეთშიც გადავიღოთ.

-როგორც ჩანს ფილმი მაღალბიუჯეტიანი გამოგდით, კინოცენტრმა დაგაფინანსათ?

-არ არის იაფი სურათი. მაგრამ კარგ ფილმებზე კინოცენტრი დაფინანსებას არ გაძლევს. ჩვენ ეტაპობრივი დაფინანსება გვაქვს. ეპიზოდების მიხედვით... მივდივართ იმ ტემპით, რა ტემპიც აქვს კინოს, ნელ-ნელა ვითარდებით. გადაღება 1 თვეში დაიწყება.

ავტორი: დეა თავბერიძე

ყურადღება !!!
დაიწყო მსახიობების შერჩევა სრულმეტრაჟიანი მხატვრული ფილმისთვის "ციცინათელები" რეჟისორი ლევან ანჯაფარიძე. ქასთინგი იმართება დ.აღმაშენებლის 164 (ძველი კინოსტუდია) თუმანიშვილის თეატრის უკანა ეზოში. შაბათ კვირის გარდა 12:00 დან 18:00 მდე. ხათუნა 579032424. მარინა 593780042.