პანორამა თბილისის მშენებლობის პროცესი დაწყებულია. მშენებლობის პროცესის გადაღებას დღეს "კურიერის" გადამღები ჯგუფი ცდილობდა, თუმცა ადგილზე მისულებს უცნობი პიროვნება დაუპირისპირდა.

"ვინ ხართ თქვენ, გამორთეთ კამერა" - ამ სიტყვებით და კამერაზე ხელის შეხებით უცნობი პიროვნება "ტელეკომპანია "რუსთავი 2"-ის გადამღებ ჯგუფს მუშაობის საშუალებას არ აძლევდა. როგორც მოგვიანებით მან გამარტა, ის მებაღეა.

აღსანიშნავია ფაქტი, რომ მებაღე მშენებლობის ადგილზე ტელეკომპანია GDS-ის კუთვნილი ავტომობილით მივიდა.

ის, რომ პროექტის პანორამა თბილისის მშენებლობის პროცესი დაწყებულია ეკონომიკის სამინისტრსოს შესაბამისი სააგენტოები ადასტურებენ. აღნიშნულ სააგენტოებში დღეს თქვეს, რომ მშენებლობაზე ნებართვები, როგოც თავისუფლების მოედანზე ასევე სოლოლაკის ფერდობსა და ბაღებზეც გაცემულია.

არასამთვრობო ორგანიზაციები ეკონომიკის სამინისტროსგან პროცესის გასაჯაროებას ითხოვდნენ. შესაბამისი პეტიცია უწყებას თებერვალშიც გაუგზავნეს, თუმცა მხოლოდ დღეს შეიტყვეს, რომ ივნისის დასაწყისში სააგენტომ მესამე და ბოლო ნებართვა სოლოლაკის ფერდობზე სამშენებლო სამუშაოების დაწყების შესახებ ისე გასცა, რომ საზოგადოებისთვის ინფორმაცია არ მიუწოდებია.

თბილისის ჰამქარში აცხადებენ, რომ ტექნიკური და სამშენებლო ზედამხედველობის სააგენტომ ნებართვა ისე გასცა, რომ თანაინვესტირების ფონდისგან საჭირო და საკმარისი დოკუმენტაცია არ მიუღია.

წყაროrustavi2.com