საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიისა და აზიის განვითარების ბანკის დაფინანსებით, ქალაქ ქუთაისში მასშტაბური პროექტი მიმდინარეობს. მონიტორინგის ფარგლებში, მიმდინარე სამუშაოებს, დღეს აზიის განვითარების ბანკის წარმომადგენლები კომპანიის ხელმძღვანელ ნიკოლოზ ქიზიყურაშვილთან ერთად გაეცნენ. პროექტის ღირებულება 27 მილიონ ლარზე მეტია. მისი დასრულების შედეგად ქუთაისში მცხოვრები 14 000 ოჯახი 24 საათიანი წყალმომარაგებით იქნება უზრუნველყოფილი, ხოლო 36 000 ოჯახი გაუმჯობესებული წყალმომარაგების გრაფიკით ისარგებლებს.

პროექტის ფარგლებში ვაჟა-ფშაველას ტერიტორიაზე 3 ახალი რეზერვუარიდან 2 რეზერვუარის მშენებლობა უკვე დასრულდა, პარალელურად მიმდინარეობს სატუმბი სადგურისა და თეთრამიწას დასახლებაში ახალი რეზერვუარების მშენებლობა. კლდიაშვილის ქუჩაზე კი სატუმბი სადგური შენდება. ხორციელდება ახალი მაგისტრალური და გამანაწილებელი ქსელების მოწყობა სიგრძით 52 კმ. პროექტი 2016 წელს დასრულდება.

Express Bank-ი განაგრძობს სერვისცენტრების ქსელის გაფართოვებას ქვეყნის მასშტაბით. ახალი Express Bank-ის სერვისცენტრი ქალაქ ბათუმში თამარ მეფის გზატკეცილზე გაიხსნა. Express Bank-ის სერვისცენტრებში მომხმარებელს საშუალება აქვს მარტივად შეასრულოს ნებისმიერი სტანდარტული ტიპის საბანკო ოპერაცია, ასევე ისარგებლოს Express სესხით, Express ანაბრით და ახლა უკვე Express Card-ზე სრულიად ახალი ფუნქციით - ბანკის მიერ დამტკიცებული 1000 ლარამდე საკრედიტო ლიმიტით.

Express Bank-ის ივლისის თვის შეთავაზება შემდეგში მდგომარეობს: 31 ივლისის ჩათვლით ის, ვინც აიღებს განახლებულ Express Card-ს, საჩუქრად გადაეცემა 1000 Express ბონუს ქულა. Express Bank-ი მომხმარებელს ყოველთვიურად შესთავაზებს მისთვის საჭირო, საინტერესო და მარტივ შეთავაზებებს.