საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა. ეროვნული ვალუტის კურსი დოლართან მიმართებაში მცირედით გაუფასურდა.

ახალი კურსის მიხედვით, ხვალ, 14 ივლისს ერთი დოლარის ოფიციალური ღირებულება 2.252 ლარი იქნება. დღეს მოქმედი კურსით კი 1 დოლარის ღირებულება 2.2477 ლარს შეადგენდა.

ეროვნული ვალუტა ევროსთან მიმართებაში კი გამყარდა. კერძოდ, ხვალიდან ერთი ევროს შეძენა 2.4938 ლარად იქნება შესაძლებელი, მაშინ როცა დღეს მოქმედი კურსი 2.5145 ლარს შეადგენდა.