ილია მეორემ რიჩარდ ნორლანდს მადლობა გადაუხადა

საზოგადოება - 15:53, 13 Jul, 2015

1186

სვეტიცხოვლობასთან დაკავშირებული სადღესასწაულო ლიტურია საქართველოს კათალიკოს-პატრიარქმა ილია მეორემ სვეტიცხოვლის საკათედრო ტაძარში აღავლინა.

წირვის დასრულების შემდეგ, უწმინდესმა ქადაგებისას სვეტიცხოვლის ტაძრის მნიშვნელობაზე ისაუბრა. უწმინდესის თქმით, სვეტიცხოვლის საკათედრო ტაძარში დაფლულია ქრისტეშობამდე 600 წლით ადრე ებრაელების მიერ ჩამოტანილი წმინდა ილია თებზიტელის ხალენი და ასევე აქ არის დაკრძალული უფლის კვართი.

"იმდენად სათაყვანებელია სვეტიცხოველი, რომ წმინდა მეფე მირიანმა უარი თქვა გარდაცვალების შემდეგ აქ დაეკრძალათ. აი დღეს, ჩვენ თაყვანს ვცემთ ამ წმინდა ადგილს, მუხლს ვიდრეკთ და თავს ვიხრით იქ, სადაც დაკრძალულია საქართველოს მეფეები და მრავალი მოწამე. შევთხოვთ უფალს, მათი მეოხებით 12 მოციქულის ლოცვებით მშვიდობა მოგვმადლოს ჩვენ და მთელ მსოფლიოს", - აღნიშნა პატრიარქმა.

სვეტიცხოვლის ტაძარში სადღესასწაულო წირვაზე იმყოფებოდა ამერიკის შეერთებული შტატების ელჩი რიჩარდ ნორლანდი, რომელსაც ილია მეორემ საქართველოში მსახურებისთვის მადლობა გადაუხადა.

"მოხარული ვართ, რომ ჩვენს წირვას ესწრება ამერიკის ელჩი საქართველოში მეუღლესთან ერთად. გულითადად მივესალმებით მათ. ელჩი ამთავრებს მოღვაწეობას და მიემგზავრება ამერიკაში. ვუსურვებთ წარმატებას და მადლობას ვუხდით იმ დახმარებისთვის, რასაც აკეთებდა საქართველოში", - აღნიშნა საქართველოს პატრიარქმა.