ექსკლუზივი: ,,ძველბიჭებს უფრო უნდათ ბიჭთან სექსი... ვერ გავუძელი და გავიქეცი“

ექსკლუზივი: ,,ძველბიჭებს უფრო უნდათ ბიჭთან სექსი... ვერ გავუძელი და გავიქეცი“ - ქართველი ჰომოსექსუალის ისტორია

საზოგადოება - 16:00, 13 Jul, 2015

37345

„თუ ჰომოსექსუალი ხარ და საქართველოში დარჩი უნდა დამალო, თუ არ დამალავ, მაშინ ხშირად აცემინო ვიღაცას თავი, ან მოაკვლევინო... ჩვენ ამ დაჩაგვრას და ცინიზმს ვეღარ გავუძელით და გავიქეცით, იძულებულები გავხდით დაგვეტოვებინა თბილისი... მაგრამ მინდა ყველამ იცოდეს, რომ გვინდა ჩვენი ქვეყანა, ჩევენი სახლი, ჩვენი ახლობლები, ძალიან გვენატრება საქართველო, მაგრამ არ გამოდის“... - ამბობს „ნიუპოსტთან“ ლევანი, რომელიც გერმანიაში პარტნიორ მამაკაცთან ერთად „გაიქცა“.

ლევანი: ერთმანეთი სოციალურ ქსელში გავიცანით, მაშინ ორივე საქართველოში ვცხოვრობდით, შემდეგ ახლოს ვნახეთ დავმეგობრდით და გადავწყვიტეთ ერთად გვეცხოვრა და რაღაც ოჯახის ფორმა მივეცით ამ ყველაფერს. 5 წელია ერთად ვართ. ეს საკმაოდ დიდი დროა, რადგან საქართველოში ჰომოსექსუალებში ეს პრობლემაა, დიდი ხანი წყვილები ვერ ძლებენ, გამომდინარე ქვეყნიდან, სხვანაირი ლოგიკიდან. პრობლემები ჩვენც შეგვექმნა, მეზობლებისგან, საზოგადოებისგან, ბოლოს სამსახურიდანაც გაგვათავისუფლეს. როცა რაღაცას მალავ, მაინც არ იმალება ბოლომდე და საბოლოო ჯამში ყველა ყველაფერს ხვდება. ჩემი სამსახურიდან გათავისუფლება მოხდა მხოლოდ და მხოლოდ იმის გამო, რომ ვიყავი ჰომოსექსუალი.
ძალიან დიდი აგრესია მოდიოდა საზოგადოებისგან. ჩხუბი, შეურაცხყოფა, ყველანაირი ფორმის აგრესიაზე მაქვს საუბარი. ჩვენ ოჯახმაც ვერ გაგვიგო, ეს იყო ყველაზე დიდი პრობლემა.
ბოლოს ევროპაში გადავწყვიტეთ წასვლა და ერთ-ერთ შემოთავაზებას დავთანხმდით, ძალიან დაბალ ხელფასს, მაგრამ ერთი რამ გვინდოდა მხოლოდ ამ აგრესიას გავსცლოდით. ჩვენნაირი წყვილებისთვის საქართველოში ფიზიკურად ვერ იცხოვრება.
გერმანიაში ამ მხრივ არაჩვეულებრივად ვგრძნობთ თავს რადგან აქ არის სრული 100% -იანი თავისუფლება, ადამიანის უფლებებს იცავენ უმაღლეს დონეზე, თავს გრძნობ ძალიან დაცულად.

„ყველა ჰომოსექსუალი ხვდება ამას ბავშვობიდან“
„ არ არის ისე, რომ ვიღაც 20 წლის ასაკში ხვდება ამას, ეს გამორიცხულია. ყველა ჰომოსექსუალმა ბავშვობიდან იცის, რომ ასეთია. მაგრამ ამას კეტავ, ისეთ გარემოსა და მენტალობაში იზრდები, რომ ცდილობ ეს ყველანაირად დამალო, რადგან გასწავლიან, რომ ეს არის ცუდი. აქედან გამომდინარე მალავ, და როცა გარკვეულ ასაკს აღწევ იღებ უკვე თამამ გადაწყვეტილებებს.

ეს ყოველივე განგრევს ფსიქიკურად, რადგან ხარ აბსოლუტურად მარტო, ვერავის თხოვ შველას, ვერც მეგობარს, ვერც ოჯახის წევრს, ვერავის, იმიტომ რომ გეშინია, იცი არავინ დაგეხმარება და წლების მანძილზე, ბავშვობიდან იმყოფები ძალიან დიდ სტრესში, ეს ძალიან დიდი პრობლემაა. ამის გადასალახად დიდი ენერგია და დიდი ძალა გჭირდება, რაც ყველას არა აქვს. დღეს საქართველოშიმე მე თვითონ ძალიან ბევრ ჰომოსექსუალს ვიცნობ, იცით რამდენია? ვერ წარმოგიდგენიათ, იმდენი, მაგრამ ამას ყველა მალავს. ჩვენ მარტო 6 თვე ფსიქოლოგთან ვიარეთ აქ, რომ გაგვეცნობიერებინა რომ ეს არ არის დიდი პრობლემა, რომ ეს ჩვეულებრივი ამაბავია. რომ ჩვენც ისეთივე ადამიანები ვართ, როგორც ყველა.

არადა, საქართველოში გიწევს, შენს თავს გადააბიჯო, დამალო, მოიკლა რაღაცები და გადადგა ის ნაბიჯი, რაც საზოგადოებას და ოჯახს მოეწონება. ეს ის ნაბიჯია, რომელიც შენი შეხედულებით არ არის სწორი, მაგრამ იძულებული ხარ, რადგან სხვისი შეხედულებით სწორია და ეს სხვისი შეხედულება არის მიღებული შენს ქვეყანაში. ეს არის ცხოვრება იძულებით. ცხოვრობ ისე, როგორც ყველა და ყოველ დღე, ყოველ წუთს ხვდები, რომ ეს შენ არ გინდა. საშინლად განიცდი, იტანჯები... ამის გამო ცხოვრებაც არ გინდა. ყველაფერს აზრი ეკარგება, რადგან გაქვს პრობლემა, რომელსაც ვერავინ მოგიგვარებს, ვერც ექიმი, ვერც მეგობარი. ვერავის ვერ მიაკითხავ. მე ამის გამო ძალიან დიდი პრობლემები შემექმნა ფსიქიკასთან დაკავშირებით. ყველაფერს ფიქრობ მაგ დროს თვითმკვლელობასაც კი.
ბავშვობაში ვცხოვრობდი შიშსა და დეპრესიაში, გერმანიაში წასვლამდე კი, ძალიან ბევრ პრობლემაში.

ნაციხარი ბიჭი
ძველბიჭური თუ ტრადიციული ქართველები უფრო იყვნენ ჩემს ცხოვრებისეულ პრაქტიკაში, მათ უფრო უნდათ ბიჭთან სექსი. ნათქვამია ყველაზე დიდი ჰომოფობი ყველაზე დიდი გეიაო. აქ 80 % სიმართლეა. როცა შენ არ გაწუხებს და არაფერს მალავ, შენთვის იქნება ეს მისაღები. როცა რაღაცას ებრძვი ძალიან, იმიტომ რომ გარკვეულ დონეზე შენიც დაიფაროს. მე მყავდა ერთი მეზობელი. ნაციხარი ბიჭი, რომელიც წლები იჯდა ციხეში და ბიჭებთან სექსითაც იყო დაკავებული. მერე გამოვიდა და ძველი ბიჭი იყო. მეც სხვების დასანახად არ მოვწონდი. მაგრამ ყოველ ღამით სადარბაზოსთან მხვდებოდა და რამდენიმე წუთით მელაპარაკებოდა ხოლმე. ერთხელაც ნასვამი დამხვდა და იქვე ეზოს მიმდებარე ტერიტორიაზე გავედით , 15 -20 წუთით ვილაპარაკეთ და მითხრა ბიჭები ძალიან მომწონს და იქნებ დაფიქრდე ამაზეო... ესეც შენი ტრადიციული ძველი ბიჭი-მეთქი გავიფიქრე. ასეთი ძალიან ბევრია...

გზავნილი გერმანიიდან
ჰომოსექსუალობა გადამდები არ არის, არც მარზმი. ეს არის ბუნებრივი მოვლენა, რომელიც ოდიდგანვე არსებობს, ძალიან ბევრი ფაქტი ყოფილა, ეხლაც არის და ყოველთვის იქნება. ამას წინ ვერავინ გადაუდგება. უბრალოდ მიიღონ ეს ჩვეულებრივად, და თავისი შეხედულებების გამო ნუ დაღუპოავენ ადამიანებს, და მოიქცნენ ისე როგორც იქცევა დღეს ნახევარი მსოფლიო, ცივილიზებულად. ვისაც რა უნდა ცხოვრებაში, მაინც იმას აკეთებს, ეს ხდება მალულად თუ ღიად, არა აქვს მნიშვნელობა, აქ მთავარი ის არის, რომ მაინც აკეთებს.