ფეხბურთის ფედერაციასთან გვიან ღამით საპროტესტო აქცია გაიმართა. ადგილზე ის უკმაყოფილო გულშემატკივარი შეიკრიბა, ვინც უეფა-ს სუპერთასზე დასასწრები ბილეთის შეძენა ვერ მოახერხა. ისინი ფეხბურთის ფედერაციას რამდენიმე ათასი ბილეთის მითვისებაში ადანაშაულებდნენ.

გულშემატკივართა მტკიცებით, ვაკის პარკში დამონტაჟებულ ტაბლოზე ციფრები რეკორდული სისწრაფით იცვლებოდა, რაც რეალობას არ შეესაბამებოდა.

„გამოვიდნენ და გვითხრან რა მოხდა... მოტეხეს ბილეთები... ელემენტარული კაცი არ გამოვიდა ჩვენთან...“, - ამბობდნენ აქციის მონაწილეები.

ადგილზე გვიანობამე საპატრულო პოლიცია იყო მობილიზებული. გულშემატკივრები აქციის გამართვას დღესაც გეგმავენ.

უეფა-ს სუპერთასზე დასასწრები 22 ათას 89 ბილეთი უკვე გაყიდულია. ბოლო ბილეთი გლშემატკივარმა 06:15 საათზე შეიძინა.