უეფა-ს სუპერთასზე დასასწრები 22 ათას 89 ბილეთი უკვე გაყიდულია. ბოლო ბილეთი გლშემატკივარმა 06:15 საათზე შეიძინა. მატჩზე დასწრების მსურველები რიგში მთელი ღამის განმავლობაში იმყოფებოდნენ. მათ პრეტენზიები ჰქონდათ სამართალდამცველებთან და ამბობდნენ, რომ იქ მყოფი პოლიცია ბილეთებს ყიდულობდა. როგორც ისინი ამბობენ, რამდენიმე ადამიანი სალაროებთან ურიგოდ მიდიოდა.

"დაახლოებით ათი ჯგუფი ჩვენამდე და ჩვენს შემდეგ ბილეთების გარეშე დარჩა. როგორც ჩვენ გავიგეთ, ხდებოდა აქ მყოფი პოლიციელების მიერ ბილეთების შეძენა. ასევე ამბობდნენ, რომ ხდებოდა გადაშვების ფაქტები ავტოუსებიდან და ამბობდნენ, რომ დარეკილი იყო ზემოდან," - განაცხდა გულშემატკივარმა ვაჟა დარჩიამ.