ცემა თუ არა "გურიის" ყოფილმა დირექტორმა სპორტსკოლის ხელმძღვანელი- რა მოხდა ლანჩხუთში?

საზოგადოება - 20:37, 10 Jul, 2015

1715

გუშინ, ლანჩხუთში, მუნიციპალიტეტის სპორტულ სკოლაში ინციდენტი მოხდა. როგორც „ნიუპოსტს“ თვითმხილველებმა შეატყობინეს, სკოლის დირექტორი სულხან წილოსანი და კლუბ ლანჩხუთის „გურიის" ყოფილი დირექტორი, კობა მირზაშვილი ერთმანეთს ფიზიკურად დაუპირისპირდნენ. შემთხვევა სკოლაში, წილოსანის კაბინეტში, სამუშაო საათებში მოხდა. მირზაშვილსა და წილოსანს შორის ხმამაღალი საუბარი რამდენიმე წუთი გრძელდებოდა, შემდგომ კი სიტყვიერი დაპირისპირება ფიზიკურ დაპირისპირებაში გადაიზარდა.

თვითმხილველები მიზეზებზე ზუსტად ვერ სუბრობენ, თუმცა, ვარაუდობენ, რომ ეს თანხას უკავშირდება.

გურიაში „ნიუპოსტის“ წარმომადგენელი დეტალებში გასარკვევად ინციდენტის მონაწილე მხარეებს დაუკავშირდა. წილოსანმა, რომელსაც თვითმხილველების თქმით, მირზაშვილის მიერ ნასროლი სკამი მოხვდა, სატელეფონო საუბრისას მომხდარს უარყო.

ხოლო მირზაშვილთან დაკავშირება, ვერ მოხერხდა და „ნიუპოსტმა“ მხოლოდ მის მეუღლესთან გასაუბრება შეძლო, რომელმაც განაცხადა, რომ მან ინციდენტთან დაკავშირებით არაფერი იცის:

„პირველად მესმის თქვენგან, კობა სახლში არ არის, რომ დაბრუნდება გადავცემ და თუ სურვილი ექნება, თავად დაგიკავშირდებათ"- განაცხადა მირზაშვილის მეუღლემ.

თეა იოსელიანი- გურია