უახლოეს მომავალში გაერთიანებული წყალმომარაგების კომპანიის ტარიფი გადაიხედება. ამის შესახებ სემეკის თავმჯდომარემ ირინა მილორავამ პარლამენტში რიგგარეშე სხდომაზე განაცხადა, სადაც დეპუტატებს წლიური საქმიანობის ანგარიში წარუდგინა,

თუმცა მილორავა არ აკონკრეტებს გაიზრდება თუ არა რეგიონებში წყლის ტარიფი.

დეპუტატ ელისო ჩაფიძის კითხვაზე, თუ რატომ არის დედაქალაქთან შედარებით რეგიონებში წყლის ტარიფი მაღალი, მილორავამ განაცხადა:

„გაერთიანებული წყალმომარაგების კომპანიის ტარიფი, ჩემი თავმჯდომარეობის დროს არ გადახედილა. თავისთავად ცხადია, რომ ამ კომპანიის ტარიფის გადახედვაც მოხდება მოხდება უახლოეს მომავალში. თუმცა ვერ გეტყვით რა ტარიფი გვექნება სამომავლოდ“, - განაცხადა მილორავამ.