13 ივნისის სტიქიის დროს ახალ გზაზე დაღუპული დავით გაბიტაშვილის ძმა, მისი 40 წლის ძმის დაღუპვაში სახელმწიფოს ადანაშაულებს და პროკურატურაში სარჩელის შესატანად ემზადება. ლაშა გაბიტაშვილის თქმით სახელმწიფოს რომ შესაბამისი ღონისძიებები დროულად გაეტარებინა და ახალდაბაში მეწყერის ჩამოწოლის, სვანიძის ქუჩის დატბორვის, 112-ში შესული ზარების შემდეგ ახალი გზის გადაკეტვის გადაწყვეტილება მიეღო, მსხვერპლი გაცილებით მცირე ხოლო მისი ძმა ცოცხალი ინებოდა.

”გზა რომ გადაკეტილიყო და ამ გზაზე არ ჩამოსულიყო ჩემი ძმა, გადარჩებოდა, პოლიცია აქვეა, ძალიან დიდი ხანი არ დასჭირდებოდა. მითხრან ამ გამოძიების შედეგად რომ ჩემმა ძმამ თავი მოიკლა ან უნდა აღიაროს სახელმწიფომ თავისი დანაშაული, რომელმა სტრფუქტურამ რა დანაშაული ჩაიდინა და რა წვლილი მიუძღვის ჩემი ძმის დახრჩობაში, რომელიც წყალში კი არა ტალახში დაიხრჩო.”- განაცხადა ლაშა გაბიტაშვილმა ”კურიერთან” საუბარში.

პროკურატურის გარდა ლაშა გაბიტაშვილი პრემიერსაც მიმართავს. ის გარდაცვლილი ძმის ორი მცირეწლოვანი შვილისთვის კომპენსაციას ითხოვს. მისი თქმით, სახელმწიფომ მარჩენალის დაკარგვის შემთხვევაში თნხის განსაზღვრის წესით უნდა იხელმძღვანელოს.