„ქორწილი არ მექნება... არ მიყვარს...მთავარია ბედნიერები ვიყოთ“

„ქორწილი არ მექნება... არ მიყვარს...მთავარია ბედნიერები ვიყოთ“ - კრისტი ყიფშიძე

საზოგადოება - 19:07, 08 Jul, 2015

27269

„როგორიც ხარ ისეთი უნდა იყო, არ უნდა ითამაშო, ხელოვნურობა არ მიყვარს, ბუნებრიობა ჩემია“ - ამბობს კრისტი ყიფშიძე და იმ სასურველ მამაკაცს აცნობს „ნიუპოსტს“ რომელთანაც თავს ბედნიერად იგრძნობს.

-როგორი მამაკაცი გინდა იყოს შენს ცხოვრებაში?

-ასე არ არის გამოწერით... (იცინის) პირველ რიგში უნდა იყოს თავისი საქმის პროფესიონალი. რასაც აკეთებს იმაში უნდა იყოს ძალიან კარგი. ისეთი ტიპი უნდა იყოს, რომ მეც რაღაც ვისწავლო მისგან. ასევე ძალიან უნდა უყვარდეს ჩემი შვილი, პატივს სცემდეს ჩემს ოჯახს და მეგობრებს. უნდა უყვარდეს ჩემი საქმე, ის რასაც მე ვაკეთებ. არ უნდა შემზღუდოს და ტვინი არ უნდა წაიღოს. მე ვფიქრობ რომ ასეთს ვერ ვიპოვი, წუნია კი არა ვარ, უბრალოდ არ შემხვდა ჯერ ისეთი, როგორიც მე მინდა და რომელზეც ვიტყვი, რომ აი ეს ის არის. თუ ასეთი გამოჩნდება დაგიურეკავ და გეტყვი.

-ანუ ქორწილშიც დაპატიჟებ „ნიუპოსტს“?
-ქორწილი არ მექნება. არ მიყვარს. მე ჩემს ქორწილში ვტიროდი, მალე წავიდეს ეს ხალხი დავისვენო-მეთქი. შეიძლება გავაკეთო მხოლოდ ძალიან ვიწრო წრეში, ისიც თუ ეს იქნება იმისი მხრიდან მოთხოვნა. თუ იმასაც არ ენდომება ამასაც არ გავაკეთებ. ბოლო დროს ძალიან დავიღალე დიდი წვეულებებისგან. ახლა ჩემს წვეულებაზეც რომ ვინერვიულო დიდად არ მინდა.... მთავარია ბედნიერები ვიყოთ. შერწყმულები, მე ეს მინდა...