საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა. ეროვნული ვალუტის კურსი დოლართან მიმართებაში მცირედით გაუფასურდა.

ახალი კურსის მიხედვით, ხვალ ერთი დოლარის ოფიციალური ღირებულება 2.2461 ლარი იქნება. დღეს მოქმედი კურსით კი1 დოლარის ღირებულება 2.2457 ლარს შეადგენდა. შესაბამისად, ლარის ოფიციალური გაცვლითი კურსის ცვლილებამ 0.0004 ლარი შეადგინა.

საქართველოს ეროვნული ბანკის მიერ დადგენილი კურსის თანახმად, ეროვნული ვალუტა ევროსთან მიმართებაშიც გაუფასურდა. ხვალიდან ერთი ევროს შეძენა 2.4752 ლარად იქნება შესაძლებელი, დღეს მოქმედი კურსით კი 1 ევროს საფასური 2.4635 ლარს შეადგენდა. ლარის ოფიციალური გაცვლითი კურსის ცვლილებამ ევროსთან მიმართებაში 0.0117 ლარი შეადგინა.