პარლამენტის თავჯმდომარემ - დავით უსუფაშვილმა სტაჟიორებს სერთიფიკატები გადასცა და საკანონმდებლო ორგანოს მუშაობაზე ესაუბრა.

მისი თქმით, პარლამნტის აპარატზე უმძიმესი შრომა გადადის, ის კი, რაც ტელევოზორშია ნაჩვენები, აისბერგის წვერია.

უსუფაშვილმა რამდენიმე წლის წინ მომხდარი ამბავი გაიხსენა, როდესაც პარლამენტში სტაჟირებაზე საერთაშორისო სამართლის ფაკუტეტის რამდენიმე სტუდენტი იმყოფებოდა.

„1991 წელს, აქ საარჩევნო საკითხებზე მოსვლა მომიწია და ფოიეში ერთი ნაცნობი სტუდენტი შევნიშნე, მას გაოცებულმა ვკითხე, აქ შენ რას აკეთებ-თქო, მან შემომიბღვირა და მითხრა, შენ თვითონ რა აკეთებ აქო და მას მერე არცთუ ისე იშვიათად ასე იბღვირება ხოლმე. ეს სტუდენტი პარლამენტის წევრიც გახდა და ცოტა ხნის წინ თავდაცვის მინისტრიც. სხვას არაფერს მოგახსენებთ, მაშინ რამდენიმე სტუდენტი პარლამენტში საერთაშორისო სამართლის მიმართულებით სტაჟირებაზე იმყოფებოდა. მას შემდეგ, ამ კედლებში ბევრმა ადამიანმა გაიარა და გამოცდილება სასარგებლო იყო“ - განაცხადა უსუფაშვილმა.