ქართულ მედიაში გავრცელებული ინფორმაციით მომღერალი ლელა წურწუმია, გვიან ღამით ფ. თოდუას კლინიკაში გადაიყვანეს. „ნიუპოსტმა“ ინფორმაცია მომღერლის მეუღლესთან კახა მამულაშვილთან გადაამოწმა.

მამულიჩა: გავგიჟდი ორასამდე ზარი დამხვდა. ვიფიქრე კიდევ რამე საშინელება ხომ არ მოხდა ქვეყანაში, ხო მშვიდობაა-მეთქი. მერე მეგობრებმაც დამირეკეს, შეშფოთებულები იყვნენ, რა უბედურებაა რეებს წერენ.

-ანუ არ ყოფილა ლელა თოდუას კლინიკაში?

-თოდუას კლინიკაში მისული იყო, დედამისი მიიყვანა ექიმთან. სულ ეგ არის. აქ კი სასწაულები დაწერეს. არ ფიქრობენ იმაზე, რომ ოჯახის წევრებზე იმოქმედებს ამგვარი ტექსტი? უამრავი მეგობარია, ყველა სათითაოდ გვირეკავს. ჯერ გადაამოწმონ და მერე წერონ... ასე არ შეიძლება“.