"პორშედან გადმოვჯექით ურემზე"- დეპუტატი სუპერთასის ბილეთების სკანდალს ეხმაურება

საზოგადოება - 10:56, 04 Jul, 2015

1571

უმრავლესობის დეპუტატმა დავით ლორთქიფანიძემ გადაცემა რეაქციაში სუპერთასის ბილეთების გაყიდვასთან დაკავშირებულ აჟიოტაჟზე ისაუბრა, დეპუტატის თქმით, აღნიშული პრობლემები ფეხბურთის ფედერაციის არასათანადო მუშაობის გამო შეიქმნა.

"ოცდამეერთე საუკუნეში, განვითარებული ტექნოლოგიების პირობებში, მაშინ როდესაც არანაირ პრობლემას არ წარმოადგენდა, რომ „ბილეთები.ჯი“ მომზადებულიყო და ის პრობლემა, რომელიც შეიქმნა, არ შექმნილიყო. მაშინ, როდესაც ფეხბურთის ფედერაცია ამბობდა რომ ამ საქმესთან მათ არანაირი შეხება არ აქვთ, თითქოს uefa-მ პირდაპირ გააფორმა ხელშეკრულება „ბილეთები.ჯი“-სთან და ფედერაცია თითქოს არაფერში კავშირში არ იყო, აღმოჩნდა რომ უეფას დავალებით, ფედერაციამ კონტრაქტი გააფორმა „ბილეთები.ჯი“-სთან და „ბილეთები.ჯი“ -ს გადაუხადეს თანხა, როგორც ეს ბატონმა სიჭინავამ აღნიშნა 24 თუ 25 ივნისს, ლაპარაკია 45 000 ევროზე. როგორც შემდეგ აღმოჩნდა, თანხა არ გადაურიცხიათ იმიტომ, რომ ელოდებოდა რომ რაღაც გაურკვევლობა მოხდებოდა და თავი დაიზღვიეს და თანხა არ ჩაურიცხეს „ბილეთები.ჯი“-ს, იქნებ ეს 45 000 ევრო იყო ის თანხა, რომლითაც „ბილეთები.ჯი“ მოახდენდა თავის სერვერების გაძლიერებას.

მე მოვითხოვე რომ კონტრაქტი გასაჯაროვებულიყო, იქნებ ყველაფერი ისე შესრულდა როგორც უნდა შესრულებულიყო. ოცდამეერთე საუკუნეში პორშედან გადმოვჯექით ურემზე და ეხლა გვიკვირს რატომ არის ხალხი გაღიზიანებული",-განაცხადა ლორთქიფანიძემ