ნათია ფანჯიკიძე ბოდიშს იხდის

საზოგადოება - 15:02, 03 Jul, 2015

2375

„იესო ჯვარს აცვეს, საუკეთესოები აწამეს და დახვრიტეს. კარგებს პირველებს სდევნიან“ - წერს მსჯელობის განწყობაზე მყოფი ნათია ფანჯიკიძე და „ფეისბუქის“ პირად გვერდზე „ფილოსოფიურ“ პოსტს აქვეყნებს.

ნათია ფანჯიკიძე: „დევნა, განადგურება, კვლა, მარტივად რომ ვთქვათ, ცუდიანების მოწოდებაა.
ბევრი მტრის ყოლა რომ არც ვინმეს სიცუდეს ადასტურებს და არც სიკარგეს, ესაა კაცობრიობის მთავარი აბსურდიც და პირობითი, დუალისტური აზროვნების მთავარი დილემაც.
მარჯვენა ლოყის მიშვერის მთელი პრინციპი ნიცშემ უფრო მარტივად გასაგებად გადაამუშავა, "მონსტრებთან ბრძოლაში მთავარი საფრთხეა თვითონ არ გახდე მონსტრი."
თუ ნამდვილად შეგნებული გვაქვს რა არის ცუდი, მაშინ მთავარია, ავის მქნელებს როცა ვიშორებთ, შევძლოთ მათი ქცევის კოპირება არ მოვახდინოთ, სამაგიერო იგივეთი არ გადავუხადოთ. მხოლოდ მოვიგერიოთ და გავაუვნებელყოთ.
ერთი შეხედვით ეს მათ ათამამებს ხო? მეორედაც შევხედოთ, - სინამდვილეში ეს ერთადერთი პრევენციაა მეტ და მეტ ადამიანში არ ჩაითესოს ბოროტების ქმნის უნარი. მხოლოდ მოგერიების უნარი უნდა დავიტოვოთ.
ბოდიშს ვიხდი საჯაროდ გამოტანილი პრიმიტიული ფილოსოფიისთვის. რაღაც იმპულსმა მომცა მსჯელობის მიზეზი“.