საფრანგეთში ფარიკაობის გამო ქართველები დააკავეს

საზოგადოება - 15:15, 02 Jul, 2015

10140

ქართველების დაკავების შესახებ „ნიუპოსტმა“ საფრანგეთში მცხოვრები ემიგრანტისგან შეიტყო. როგორც აღმოჩნდა ფრანგი სამართალდამცავები გაურკვევლობაში მოცეკვავეების ფარიკაობამ შეიყვანა. ამის შესახებ საქართველო-საფრანგეთის თანამშრომლობის გენერალური ანსამბლეის აღმასრულებელი დირექტორი სულა სულაშვილი წერს.

სულა სულაშვილი: „დღეს პოლიციის კომისარიატიდან ასოციაციაში დარეკეს, რომ სარლას მოედანზე ხულიგნობისთვის დააკავეს ქართველები, რომლებმაც საზოგადოებრივ თავშეყრის ადგილზე გამოიყენეს ცივი იარაღი და გვთხოვეს თარჯიმანი და ადვოკატი გაგვეგზავნა.
ადგილზე მისულ ჩვენს წარმომადგენლებს შემდეგი სურათი დახვდათ:
ახალგაზრდები მიემგზავრებოდნენ ქ. პოო-ში კონცერტის ჩასატარებლად. მატარებლის გასვლამდე მთელი 1 საათი დრო ჰქონდათ დარჩენილი და მოსიურვეს მგზავრებისთვის ფარიკაობის რამდენიმე ილეთი ეჩვენებინათ.
ამ დროს ჟანდარმერიის თანამშრომლებმა გამოიარეს. დარეკეს დამხმარე ეკიპაჟთან და ნაციონალურ პოლიციასთან. რამედნიმე წუთში მოედანი ალყაში მოექცა და ჩვენი ბიჭები წააბრძანეს კომისარიატში.
საბედნიეროდ ყველაფერი კარგად დამთავრდა, თუ არ ჩავთვლით იმას, რომ დაგეგმილი კონცერტი ჩაეშალათ“.