შემზარავი ფაქტები - კინოსტუდიაში კოსტიუმები ნადგურდება, კალანდია შველას ითხოვს! (ფოტო-ფაქტი)

საზოგადოება - 12:33, 02 Jul, 2015

1992

„ბოლო 25-30 წლის განმავლობაში მანდ კოსტიუმების გარდა კიდევ იმდენი რამ განადგურდა სასწავლო წიგნშია შესატანი, როგორ არ შეიძლება მოეპყრა ეროვნულ მემკვიდრეობას“ - ამ კომენტარს კინოსტუდიაში გადაღებული შოკისმომგვრელი ფოტოების ქვემოთ ამოიკითხავთ. სწორედ ამ ფაქტმა აღაშფოთა საქართველოს თეატრის, მუსიკის, კინოსა და ქორეოგრაფიის მუზეუმის დირექტორი გიორგი კალანდიაც.

გიორგი კალანდია: „რამდენიმე წლის წინ როცა ვთქვი რომ კინოსტუდიას სჯობდა კოსტუმები ჩვენი მუზეუმისთვის გადმოეცა, ისეთი ამბავი მოაწყვეს მეგონა მეორედ მოსვლა დაიწყო! გაუბედურებული და განადგურებული აფიშები ელდარ შენგელაიამ ჩვენს მუზეუმში რომ მოიტანა, ჩვენ კი მათ რესტავრაცია, რომ გაუკეთეთ და შესაფერისად შევინახეთ ამისათვის ის ლამის ჯვარს აცვეს! კულტურის სამინისტრო ის უწყებაა სადაც ამ საგანძურის ფასი კარგად ესმით, უვლიან და პატრონობენ (ჩვენი მუზეუმი ამის კარგი მაგალითია) ამიტომ ასეთ ნივთებს დარგის სპეციალისტები უნდა კურირებდნენ!
ამას იმიტომ ვამბობ რომ ჩემმა ერთმა ახლობელმა დღეს გამოქვეყნა კინოსტუდიაში არსებული კოსტუმების "დაცულობის" პირობები და ღევანდელი მდგომარეობა! შეიძლება ითქვას რომ ისინი უკვე აღარ არსებობენ! ეს დღევანდელი ან გუშინდელი შედეგი არაა! ეს წლებია ხდება, ნამდვილად გული მწყდება რომ ეს კოლექცია ასე ისპობა, ჩვენ მზად ვართ ჩვენი სპეციალისტების დახმარებით ავარჩიოთ და სამუზეუმო სივრცეში გადავიტანოთ ის რისი შველა კიდევ შეიძლება! მთავარია მიგვიშვან, ეს ჩვენ პროფესიული მოვალეობაცაა!
თუმცა, რამდენიმე დღის წინ, ერთი „ყოვლად პატიოსანი გვამი“ მიმტკიცებდა რომ ის ამ კოლექციას მომავალში, ახლად შექმნილ კინოს მუზეუმში გამოფენდა! სანამ ახალ კინოს მუზეუმს შექმნით და ააშენებთ მეგობრებო, მანამდე ამის შველის უფლება და საშუალება მოგვეცით! თორემ ავი ძაღლის ამბავს დაემსგავსება ეს ისტორია! მე კინოსტუდიის ახალი ხელმძღვანელობის დიდი იმედი მაქვს! იმედი მაქვს ეკონომიკის სამინისტროს მესვეურებისაც, ვის ბალანსზეცაა ეს კოლექცია! ჩვენ კი ჩვენს რესტავრატორებთან, ჩვენი სამინისტროს საუკეთესო სპეციალისტებთან ერთად მზად ვართ იმას მივხედოთ, რისი გადარჩენაც ჯერ კიდევ შეიძლება“!