Gem-fest-ის ორგანიზატორები ფესტივალის ამ დრომდე გასაიდუმლოებულ დეტალებს ახმაურებენ. ცოტა ხნის წინ, ცნობილი გახდა, რომ ელექტრონული მუსიკის ფესტივალს გრემის ნომინანტი და უამრავი პრესტიჟული ჯილდოს მფლობელი ტრანს დიჯეი, არმინ ვან ბიურენი გახსნის. დღეს კი უკვე გამოქვეყნდა GEM fest-ის ჰედლაინერთა თითქმის სრული შემადგენლობა. აქამდე ცნობილ პოპულარულ არტისტებს კიდევ დაემატა ელექტრონული მუსიკის რამდენიმე კაშკაშა ვარსკვლავი: ელექტრონული მუსიკის ლეგენდარული დიჯეი Luciano, ამჟამად ბერლინში მოღვაწე მსოფლიოში ერთ-ერთ საუკეთესო შემსრულებლად აღიარებული Ellen Allien და მელომანებში განსაკუთრებულად პოპულარული რუმინელი არტისტი Petre Inspirescu. GEM Fest-ზე, ასევე, წარმოდგენილნი იქნებიან ქართველი მუსიკოსები: NINO KATAMADZE & INSIGHT GEORGIAN BRASS & STRINGS Conductor - NIKOLOZ RACHVELI / LOUDspeakers.

გარდა ამისა, ანაკლიაში 30 ივლისიდან 7 აგვისტოს ჩათვლით, დაუკრავენ ისეთი ცნობილი და პოპულარული არტისტები, როგორებიც არიან: Alex Picone, Anna Hanna, Andre Crom, Anrilov, Anushka, Andrey Pushkarev, B Voice, Bacho, Cobert, Booka Shade, Dubfire: Live Hybrid, David August Live, Bero, Armin Van Buuren, Dali, Easy Changes, Gorje Hewek, Jan Krueger, Fernando Costantini, Fleyta, Greenbeam & Leon, Ian Pooley, Julian Perez, Kancheli, Kolford, M.A.N.D.Y. , Nika J, Olga Korol, Roustam, Robosonic, Nakadia, Radio Slave, Sammy Dee, Tomma, Vincent, Sunnery James@Ryan Marciano, Vako Key, Vako T, W&W, Tiefschwarz, Whomadewho Live, Luciano, Ellen Allien და Petre Inspirescu.

აქვე გაგიმხელთ, რომ GEM fest-ის მულტი პასებზე ჯერ კიდევ მიმდინარეობს ფასდაკლების აქცია.