მხატვრებს რუსთაველის გამზირიდან აძევებენ

საზოგადოება - 21:34, 30 Jun, 2015

2312

მხატვრებს, რომლებიც 25 წელია მეცნიერებათა აკადემიის კიბეებზე საკუთარ ნამუშევრებს ყიდიან ტერიტორიას ატოვებინებენ. შესაბამისი მოთხოვნით მათ მერიის თანამშრომლებმა და მეცნიერებათა აკადემიის წარმომადგენლებმა მიმართეს. მეცნიერებათა აკადემიის წარმომადგენლის განმარტებით, ადგილი სადაც ნახატებია გამოფენილი გაქირავებულია და მის ათვისებას ის დაწესებულება გეგმავს, რომელმაც ტერიტორია იქირავა.

როგორც მხატვრებმა "რუსთავი2" თან საუბარში განაცხადეს მათ ტერიტორიის დატოვება მეცნიერთა აკადემიის სამეურვეო საბჭოს ხელმძღვანელმა ილია კვეზერელმა და ადმინისტრაციის ხელმძღვანელმა ფელიქს კალანდარიშვილმა მოსთხოვეს და უარის შემთხვევაში პოლიციის ძალით გაძევებით ემუქრბიან.

მეცნიერებათა აკადემიის სამეურვეო სამსახურის უფროსის თქმით ტერიტორია სადაც ნახატები იყიდება გაქირავებულია, დამქირავებელი კი კაფე „კოფესტაა“, რომლიც ამ ადგილზე ღია კაფის განლაგებას გეგმავს. კაფე "კოფესტას" მენეჯერი აღნიშნულ ინფორმაციას უარყოფს და აცხადებს, რომ ამ თხოვნით მათ აკადემიისთვის არ მიუმართავთ.

მხატვრები აცხადებენ, რომ რუსთაველის გამზირის მთავარი სიმბოლოს გაუქმების უფლებას არავის მისცემენ.