ფეხბურთის ფედერაციის ვიცე-პრეზიდენტი - რეზი არველაძე მიიჩნევს, რომ თუ სუპერთასზე ბილეთების შეძენისას ხარვეზები ტექნიკურ მხარეს სცდება და ვინმე ცდილობს ბილეთების გაყიდვის პროცესს ხელი შეუშალოს, აუცილებელია საქმეში შესაბამისი ორგანოები ჩაერთონ.

„ეს არ არის მარტო BILETEBI.GE-ს ან ფეხბურთის ფედერციის პრესტიჟი, ეს არის მთელი საქართველოს პრესტიჟი, ეს არის თბილისის პრესტიჟი, ეს არის ყველას პრესტიჟი, რომ თამაში მაღალ დონეზე ჩატარდეს. მოვუწოდებ სამართალდამცავ ორგანოებს, თუ ამის აუცილებლობა გახდება იქნებ გაარკვიონ. თუ ეს არის მარტო ტექნიკური საკითხი კი ბატონო, მაგრამ თუ ეს ტექნიკურ საკითხს სცდება მაშინ უნდა დაგვეხმარონ“ -განაცხადა რეზი არველაძემ.