biletebi.ge კვლავ შეფერხებით მუშაობს. სოციალურ ქსელში გავრცელებული ინფორმაციის თანახმად, მომხმარებლებს, რომლებსაც UEFA-ს სუპერთასის ბილეთების შეძენა სურთ, მათი რიგის მოსვლის შემდეგ biletebi.ge-ს სისტემა კვლავ უკან აგდებს და ბილეთების შეძენას ვერ ახერხებენ.

ამ დროისთვის საიტზე, სადაც უეფას სუპერთასზე დასასწრებად სულ 24 ათასამდე ბილეთი იყიდება, რიგში 70 ათასზე მეტი მომხმარებელია და დილიდან მხოლოდ 800 ბილეთია გაყიდული.

შეგახსენებთ, UEFA-ს სუპერთასის მატჩი თბილისში 11 აგვისტოს გაიმართება. ერთმანეთს "ბარსელონა" და "სევილია" დაუპირისპირდებიან.