13 ივნისს მომხდარი სტიქიით გამოწვეულ 5 მილიონი ლარის ზარალს საქართველოს სადაზღვევო კომპანიები აანაზღაურებენ.

ამის შესახებ განცხადება სადაზღვევო კომპანიების ზედამხედველობის სამსახურში გააკეთეს.

მათი ინფორმაციით, ანაზღაურება შეეხება, როგორც ავტომობილებს, ისე უძრავ ქონებას.

"შემოსულია 203-ი განაცხადი და ამ ორსას სამი განაცხადის ზარალის მაჩვენებილი ციფრი არის 4 მილიონ 237 ათას 772 ლარი. ეს ნიშნავს იმას, რომ სადაზღვევო კომპანია აღიარებს ამ ზარალს და ამ ზარალის ანაზღაურება მოხდება უმოკლეს დროში. ავტოკასკოში შემოვიდა 121 განაცხადი და მისი ზარალის ოდენობა შეადგენს მილიონ 213 ათას 655 ლარს, ხოლო ქონების დაზღვევაში ეს ციფრი არის 3 მილიონ 26 ათას 66-ი ლარი"- აცხადებენ სადაზღვევო კომპანიების ზედამხედველობის სამსახურში.