,,ერთადერთი ქელეხის ორგანიზება არ გვიჭირს“ - დათო ტურაშვილი ბილეთები.გე-ს სკანდლზე

საზოგადოება - 20:20, 28 Jun, 2015

3152

შეძლევს თუ არა ქართველი გულშემატკივარი თბილისში ბორი პაიჭაძის ეროვნულ სტადიონზე ლეგენდარული მესის ხილვას.

,,ძალიან გვიჭირის რაღაცის ორგანიზება, ერთადერთი რაც არ გვიჭირს, არის ქელეხი. განარჩენი ყველაფერი გვიჭირს“ - ასე ეხმაურება მწერალი დათო ტურაშვილი ბილეთები.გე-სთან დაკავშირებულ სკანდალს. მუხედავად ფეხბურთის დიდი სიყვარულისა, ის 11 აგვისტოს ფეხბურთის მატჩზე წასვლას არ აპირებს. ამის მიზეზი კი სტადიონზე არსებული მუდმივი არაორგანიზებულობაა. დათო ტურაშვილი ფიქრობს, რომ ქართველ გულშემატკივარს არგენტინელი ვარსკვლავის ხილვა შესაძლოა, კვლავ აუსრულებელ ოცნებად ექცეს.

,,ჩვენი ტვინი არის ორიენტირებული ჩალიჩზე, სამწუხაროდ, და არა საქმის კეთებაზე. ჩვენ გვგონია, რომ საქმე არის მარტო დიადი... როგორც ამას დიმიტრი უზნაძე იტყოდა, პატარა წვრილმანშიც კი აუცილებელია დიდი პასუხისმგებლობა. არ ვაპირებ წასვლას, ბავშვობიდან დავდივარ ამ სტადიონზე და ვერასაოდეს მოვახერხე, რომ ისე შევიდე და გამოვიდე, რომ კონფლიკტი არ მომივიდეს. რამდენი მთავრობა გამოვიცვალეთ და ვერავინ შეძლო, რომ ხალხი სტადიონზე უკონფლიქტოდ შედიოდეს და გამოდიოდეს“ - განაცხადა დათო ტურაშვილმა ,,იმედის კვირასთან“.