გუშინ ვაკე-საბურთალოს გზაზე მომხდარი ინციდენტის დროს გია კორკოტაშვილის შვილი დაჭრეს.

როგორც ცნობილია, ვაჟა კორკოტაშვილი საავადმყოფოშია გადაყვანილი და მისი ჯანმრთელობის მდგომარეობა დამაკმაყოფილებელია.

შეგახსენებთ, შემთხვევა ვაკე-საბურთალოს გზაზე გუშინ მოხდა. რამდენიმე ახალგაზრდას შორის ფიზიკური დაპირისპირება მოხდა. საპატრულო პოლიციის ადგილზე მისვლისას გაირკვა, რომ ერთ-ერთ პიროვნებას სხეულზე ცივი იარაღით დაზიანება ჰქონდა მიყენებული. დაჭრილი საავადმყოფოში იქნა გადაყვანილი. სამართალდამცველებმა დანაშაულში ბრალდებული პირი ცხელ კვალზე, შემთხვევის ადგილზევე დააკავეს. დანაშაულის ჩადენის იარაღი – დანა ნივთმტკიცებად ამოიღეს.