სოფლის მეურნეობის სამინისტროს სსიპ სურსათის ეროვნულმა სააგენტომ კახეთის რეგიონში კოღოების წინააღმდეგ ქიმიური წამლობა განახორციელა. სიღნაღის, დედოფლისწყაროსა და ლაგოდეხისმუნიციპალიტეტებში სააგენტოს ძალებით 1200 ჰა ფართობი შეიწამლა. მონიტორინგის ჯგუფმა მწერების ძლიერი გავრცელების კერები - ალაზნისპირა სოფლები და დაჭაობებული ტერიტორიაშეარჩია.

ქიმიური წამლობა თერმული ნისლის ტექნოლოგიით, პრეპარატ „დეცისის“ გამოყენებით ჩატარდა. აღნიშნული მეთოდი კოღოების გასანადგურებლად აპრობირებულია მსოფლიოს მრავალ ქვეყანაში,საქართველოში კი იგი დასავლეთ საქართველოში გავრცელებული საკარანტინო მავნებლის - ამერიკული თეთრი პეპლის წინააღმდეგ გამოიყენებოდა.

თერმული ნისლის ტექნოლოგიით წამლობა აბსოლუტურად უსაფრთხოა ადამიანისა და გარემოსათვის. ქიმიური დამუშავების შემდეგ სასოფლო-სამეურნეო პროდუქცია უვნებელია ადამიანისჯანმრთელობისთვის.

სურსათის ეროვნულ სააგენტოს ტრანსმისიული დაავადების გადამტანი მწერების, მათ შორის, კოღოების წინააღმდეგ ქიმიური ღონისძიებების ჩატარება საქართველოს მთავრობის დადგენილებითდაევალა.