სინოპტიკოსები წელსაც ანომალიურ სიცხეებს ვარაუდობენ. ამის შესახებ გაზეთი „რეზონანსი“ წერს. გამოცემასთან საუბრისას გარემოს ეროვნული სააგენტოს ჰიდრომეტეოროლოგიური ცენტრის უფროსი ამბობს, რომ ცალკეულ დღეებში საშუალო ტემპერატურა 40 გრადუსამდე დაფიქსირდდება, ამიტომ იგი საზოგადოებას მთაში დასვენებას ურჩევს.

მოსალოდნელ სიცხეებთან დაკავშირებით მოსახლეობას რჩევებს დაავადებათა კონტროლის ეროვნულ ცენტრში აძლევენ.

"ზაფხულის ცხელი პერიოდის დადგომისთანავე მნიშვნელოვნად მატულობს მწვავე დიარეული დაავადებების (ფაღარათი) შემთხვევათა რაოდენობა. სტატისტიკური მონაცემების მიხედვით, ამ პერიოდზე მოდის ამ დაავადებების რეგისტრირებულ შემთხვევათა 50%-ზე მეტი, რაც სავარაუდოდ, დაკავშირებულია გარემოში მაღალ ტემპერატურაზე პათოგენური მიკრობების ცხოველმყოფელობის გაძლიერებასთან", - აცხადებენ დაავადებათა კონტროლის ეროვნულ ცენტრში.