დატბორილი ზოოპარკის და ვერეს ხეობის გაწმენდა გრძელდება. სპეციალური სამსახურის წარმომადგენლები და სამხედროები კვლავ აგრძელებენ მდინარის მიერ ჩამოტანილი ნარჩენების გატანას. ადგილზე მძიმე ტექნიკაც მუშაობს. პარალელურად გრძელდება დაკარგულების ძებნის ოპერაციაც.

როგორც ცნობილია, აღნიშნული სამუშაოების გამო დღეიდან ზოოპარკში გადაადგილება შეზღუდული იქნება, მათ შორის ჟურნალისტებისთვის. ადგილზე შესვლის უფლება მოქალაქეებს მას შემდეგ მიეცემათ, რაც ზოოპარკის ადმინისტრაციისგან ნებართვას აიღებენ.

„კვირის ბოლომდე დამთავრდება გაწმენდითი სამუშაოები, ამ მომენტში ნაპოვნი არაფერია, მაგრამ არსებობს რამდენიმე წერტილი, სადაც შეიძლება იყოს დაკარგული მტაცებლის ნეშთი ნაპოვნი“, - განაცხადა „თბილსერვის ჯგუფის“ ვაკის სატრანსპორტო ჯგუფის ხელმძღვანელმა დავით ჭავჭანიძემ.