დღეს გახდება ცნობილი ვინ და როდიდან გაყიდის უეფა-ს სუპერთასზე დასასწრებ ბილეთებს. აღნიშნულ საკითხზე გვიანობამდე მსჯელობდნენ ფეხბურთის ფედერაციაშია. Biletebi.ge-ს ინფორმაციით, ამ დრომდე საიტის ტექნიკური გაძლიერება ხდება და ბილეთების გასაყიდად სპეციალური კონცეფციის შემუშავება იგეგმება.

„უეფას მიერ შეთავაზებულ რიგის მენეჯმენტის იმპლემენტაციის შემდეგ უეფამ დამატებით მოითხოვა დეტალების დაზუსტება, რაც ოფიციალური წერილის სახით უნდა გაიგზავნოს დილით უეფაში. ასევე მოსამზადებელია ფეხბურთის ფედერაციის მიერ ბილეთების გაყიდვის სტრატეგიის გეგმა. ყოველივე ამის შემდეგ უეფა გვაცნობებს ბილეთების გაყიდვის დაწყების თარიღს, ამის შესახებ გულშემატკივრები ყველა საინფორმაციო საშუალებით იქნებიან ინფორმირებულები“, - ნათქვამია biletebi.ge-ს მიერ გავრცელებულ განცხადებაში.