ეკონომიკის სამინისტროს შენობის პრივატიზაციასთან დაკავშირებული პროცესი 26 ივნისს სრულდება. სახელმწიფო ქონების ეროვნული სააგენტო შენობის შეძენის მსურველებს მაქსიმალური აქტიურობისკენ მოუწოდებს.

„საწყისი ღირებულება 6 მილიონი აშშ დოლარით. ძირითადი საინვესტიციო ვალდებულება მყიდველის მიერ სამი წლის ვადაში არანაკლებ ას ნომრიანი სასტუმროს მოწყობა და ფუნქციონირების დაწყებაა. აუქციონი 26 ივნისს სრულდება. დარჩენილი ორი დღის ვადაში ყველა დაინტერესებულ პირს მოვუწოდებთ მაქსიმალური აქტიურობისკენ“, - სახელმწიფო ქონების ეროვნული სააგენტოს თავმჯდომარემ ეკატერინე სისაურმა.