Biletebi.ge უეფა-ს სუპერთასზე დასასწრები ბილეთების გაყიდვის შეფერხებასთან დაკავშირებით კიდევ ერთხელ იხდის ბოდიშს.

როგორც საიტის ადმინისტრაციის მიერ გავრცელებულ განცხადებაშია ნათქვამი, ბილეთების გაყიდვის შესახებ დეტალები დღის ბოლომდე გახდება ცნობილია.

„გთხოვთ გაგებით მოეკიდოთ ჩვენს მდგომარეობას, კიდევ ერთხელ გიხდით ბოდიშს.... გაყიდვები შეჩერებულია, GFF და UEFA-ს მოლაპარაკების საფუძველზე გამოცხადდება გაყიდვის დეტალები დღის ბოლომდე.

ამ მომენტისთვის დაზუსტდა გაყიდული ბილეთების რაოდენობა და შეადგენს 54 ბილეთს“, - ნათქვამია განცხადებაში.

Biletebi.ge-ს დღეს ეწურება პრობლემის მოსაგვარებლად უეფასა და საქართველოს ფეხბურთის ფედერაციის მიცემული 48 საათიანი ვადა. 17:30 წუთზე გახდება სავარაუდოდ ცნობილი როგორ მოხდება უეფა-ს სუპერფინალზე დასასწრები ბილეთების გაყიდვა.

იმ შემთხვევაში თუ საიტი ტექნიკურ პრობლემას ვერ აღმოფხვრის ამოქმედდება ალტერნატიული გეგმა.

ფეხბურთის ფედერაციაში არ გამორიცხავენ, რომ ბილეთები სალაროებშიც გაიყიდოს.