მომხმარებლები, რომელმაც biletebi.ge-ზე უეფა-ს სუპერთასზე დასასწრები ბილეთის შეძენა შეძლეს, ბილეთები გაუუქმდებათ, თანხა კი უკან დაურუნდებათ.

ამის შესახებ „რუსთავი 2“-ს biletebi.ge-ის ტექნიკურმა დირექტორმა გიორგი ჩხიკვიშვილმა განუცხადა.

მისი თქმით, რამდენიმე მომხმარებელმა ბილეთების შეძენა სერვერების გადართვის პროცესში შეძლო.

„დილით, სისტემის გადატვირთვისას, 3-4 წუთით ეს ბილეთები ღია იყო გაყიდვისთვის. ამ დროს გაიყიდა რამდენიმე ბილეთი. ყველა ეს ბილეთი გაუქმდება და თანხები დაუბრუნდება მფლობელებს. სისტემის გასამართად მიმდინარეობს მუშაობა, თუმცა ვადებზე საუბარი ჯერჯერობით რთულია“, - განაცხადა ჩხიკვიშვილმა.

შეგახსენებთ, რომ biletebi.ge-ზე უეფას სუპერთასზე დასასწრები ბილეთების გაყიდვა ტექნიკური პრობლემების გამო ვერ მოხდა.