"80.000 ლარიდან ჩემამდე 27.000 მოვიდა" - ეკა კვალიაშვილმა მძიმე ოპერაცია გადაიტანა

საზოგადოება - 18:49, 24 Jun, 2015

8152

მომღერალმა ცოტა ხნის წინოპერაცია გაიკეთა. ამ დროისთვის ის თავს კარგად გრძნობს, თუმცა, როგორც აღნიშნა ჯერჯერობით დიეტაზე უწევს ყოფნა.

„გასტროფიზიოლოგიური რეფლექსი მქონდა ასთმური სინდრომით. თურმე საყლაპავთან უზარმაზარი თიქარიც იყო, კუჭის სარქველიც კარგად არ იხურებოდა, მოკლედ, ათასი პრობლემა მქონდა. ახლა უკეთესად ვარ. ოპერაციის შემდეგ ტკივილები არც მქონია, მცირე დისკომფორტი მქონდა, რაც ნელ-ნელა მოგვარდა. სერიოზულ დიეტაზე ვარ და ეს მომწონს, უკვე 5 კილო დავიკელი“, - ამბობს კვალიაშვილი „სარკესთან“ საუბრისას.
მომღერალმა ხალხისა და სხვადასხვა კომპანიის მიერ მისთვის დასახმარებელ თანხებზე არსებულ გაურკვევლობაზეც ისაუბრა.
"ზარებით 80.000 ლარამდე შემოვიდა. სასწაულ რაღაცეებს მაბრალებდნენ, ფული აიღო და პარიზში სეირნობდაო, ამიტომ ამ თანხის ამბავი გამოვაძიებინე. ფინანსურ პოლიციაში მივედი, გამომძიებელი ავიყვანე, რომელსაც ვუთხარი, ფულის მიმოქცევა ენახა, რამდენი შემოვიდა, რამდენი დაიბეგრა და ჩემამდე რამდენი მოვიდა. ეს საკითხი გამოკვლეულია, დამადასტურებელი საბუთები მაქვს, რომ იმ 80.000 ლარიდან ჩემამდე 27.000 მოვიდა. სახელმწიფოსგან დავიბეგრე, ამას გარდა, სატელეფონო კომპანიებმა მომსახურებისთვის დიდი ტანხა წაიღეს. ხალხო, თქვენი ბოლო ლარიდან რაც ჩემთვის გაიღეთ ჩემემდე 27 თეთრი მოვიდა“, - განაცხადა კვალიაშვილმა „სარკესთან“ საუბრისას.
წყარო: ჟურნალი "სარკე"