მიკროავტობუსის მძღოლებს კონდიციონერების ჩართვა მკაცრად მოეთხოვებათ

საზოგადოება - 11:37, 24 Jun, 2015

2882

კომპანა "თბილისის მიკროავტობუსი" მოქალაქეებისთვის კომფორტის შექმნის მიზნით, მძღოლებს მიკროავტობისებში კონდენციონერების ჩართვისაკენ მოუწოდებს, წინააღმდეგ შემთხვევაში კი მათ შესაბამის საჯარიმო სანქციებს დააკისრებ. როგორც "თბილისის მიკროავტობუსში" განმარტავენ, იმისათვის, რომ მძღოლებს დამატებითი ხარჯი არ ჰქონოდათ კომპანიამ მათ სეზონურად ყოველდღიური გადასახდელი შეუმცირა.
ამასთან დაკავშირებით კომპანა "თბილისის მიკროავტობუსი" საგანგებო განცხადებას ავრცელებს, რომელსაც "ნიუპოსტი" უცვლელად გთავაზობთ.
"კომპანია „თბილისის მიკროავტობუსმა“ ზაფხულის დადგომამდე 200 ათასს ლარზე მეტი ხარჯი გასწია სამარშუტო ტაქსებში გასაგრილებელ საშუალებებთან დაკავშირებული ტექნიკური ხარვეზების აღმოსაფხრელად.

დედაქალაქის მასშტაბით ყველა მიკროავტობუსში მუშაობს კონდენციონერი, გარდა ამისა კომპანია გაითვალისწინა რა მძღოლების ინტერესებიც, შეუმცირა მათ სეზონურად ყოველდღიური გადასახდელი, რაც თავისთავად მძღოლს ავალდებულებს მგზავრებისთვის კომფორტული პირობების შექმნას და გასაგრილებელი მოწყობილობის ჩართვას.

კომპანია „თბილისის მიკროავტობუსი“ მიმართავს მგზავრებს და მოუწოდებს რომ უკმაყოფილების შემთხვევაში დარეკონ კომპანიის საინფორმაციო ცენტრში ტ: 2 200 340

ამასთანავე, მოგახსენებთ, რომ კომპანია "თბილისის მიკროავტობუსი" კატეგორიულად ითხოვს მძღოლებისგან კონდენციონერების ჩართვას. მონიტორინგის ჯგუფები, რომლებიც რეგულარულად ამოწმებენ მიკროავტობუსებს, ხვალ საღამოდან კომპანია გაასაჯაროებს რეაგირების შედეგებს!

იმ შემთხვევაში თუ შემოვა შეტყობინება რომ რომელიმე მძღოლი არ რთავს გასაგრილებელ საშუალებას და თუ ეს შეტყობინება დადასტურდება, გატარდება შესაბამისი სანქციები, კერძოდ,

1. პირველ შემთხვევაზე მძღოლს ეძლევა სიტყვიერი გაფრთხილება;

2. მეორე შემთხვევაზე მძღოლს ერთი კვირით ეზღუდება სატრნასპორტო საშუალების მართვა;

3. მესამე შემთხვევის დაფიქსირების შემთხვევაში მძღოლთან კომპანია წყვეტს ხელშეკრულებას,"-ნათქვამია კომპანიის მიერ გავრცელებულ განცხადებაში.