თბილისში, იოსებიძის ქუჩაზე ახალგაზრდა მამაკაცი ცეცხლსასროლი იარაღით დაჭრეს. შემთხვევა გუშინ, გვიან ღამით სკვერში მოხდა. დაზარალებული მამაკაცი სამედიცინო დაწესებულებაში გადაიყვანეს. მას გადაუდებელი ოპერაცია ჩაუტარდა.

როგორც ცნობილია, შემთხვევის დროს სკვერში ბავშვები და ქალებიც იმყოფებოდნენ.

როგორც „ნიუპოსტს“ შსს-ს პრესსამსახურში განუცხადეს, მომხდართან დაკავშირებით გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.