ფეხბურთის ფედერაციის პრეზიდენტის ზვიად სიჭინავას ინფორმაციით, biletebi.ge-სთან დაკავშირებით უეფა-ს პოზიცია დაახლოებით ორ საათში იქნება ცნობილი.

მისი თქმით, კონტრაქტის გაუქმება გამორიცხულია, რადგან ის არ ითვალისწინებს ბილეთების გამყიდველი კომპანიის შეცვლას, თუმცა ითვალისწინებს პრობლემების აღმოფხვრას.

როგორც ფეხბურთის ფედერაციის პრეზიდენტი ამბობს, biletebi.ge-სთან მთელი ღამის განმავლობაში ჰქონდათ კონტაქტი და საიტის წარმომადგენლების პრობლემის მოგვარებას ჰპირდებოდნენ.

„ბოლოს ველაპარაკეთ დილის 07:00 საათზე და გვითხრეს, რომ პრობლემა ვერ მოგვარდა. ეუფა-ში ამ დროისთვის სამუშაო საათები არ დაწყებულა. სულ ცოტა ხანში გვექნება კიდევ ერთი კავშირი და დაახლოებით ორ საათში გვეცოდინება ეუფა-ს პოზიცია", - განაცხადა სიჭინავამ.

ფეხბურთის ფედერაციაში biletebi.ge წარმომადგენლებს ამ წუთებში ელოდებიან.