„ლაგუნა ვერედან“ ქლორის კონტეინერები ქალაქგარეთ გაიტანეს

საზოგადოება - 11:01, 23 Jun, 2015

1377

„ლაგუნა ვერეს” მიმდებარე ტერიტორიაზე აღმოჩენილი თხევადი ქლორის 2 კონტეინერის ტრანსპორტირება დღეს, გამთენიისას, 05:00 საათზე განხორციელდა.

გარემოს დაცვის სამინისტროს ინფორმაციით, კონტეინერები ქალაქგარეთ, შპს „Novoretec Georgia" ტერიტორიაზე განლაგდა, სადაც მათი შემდგომი გაუვნებელყოფა მოხდება.

ტრანსპორტირება გარემოსა და ბუნებრივი რესურსების დაცვის სამინისტროს, შინაგან საქმეთა სამინისტროსა და ჯანდაცვის და სოციალური დაცვის სამინისტროს მიერ, უსაფრთხოების საერთაშორისო წესების სრული დაცვით განხორციელდა.

თხევადი ქლორის 2 კონტეინერი , ქალაქში მომხდარი სტიქიის შემდეგ, „ლაგუნა ვერეს“ მიმდებარე ტერიტორიაზე აღომოჩინეს, აღნიშნული ნივთიერება წლების წინ აუზის დეზინფექციისთვის გამოიყენებოდა.

კონტეინერების დათვალიერების შედეგად დადგინდა, რომ ქლორის კონტეინერები დაზიანებული არ ყოფილა და მათგან ქიმიური ნივთიერების გაჟონვის საფრთხე არ არსებობობდა. მიუხედავად ამისა, გარემოსა და ბუნებრივი რესურსების დაცვის სამინისტროს მხრიდან გატარდა ყველა აუცილებელი ღონისძიებება, დღის საათებში, მზიან ამინდში, უსაფრთხოების მიზნით ხორციელდებოდა კონტეინერების წყლით გაგრილება.